Twintig kinder oet groep 5, 6 en 8 hebt zuch dit jaor opgeven veur de Veurdrachtwedstried van ’t Aol Volk… en ze kunt al harstikke goed Drèents praoten!
Dunderdag 11 april is de leste keer daw oefent op schoel, en dan is wonsdag 17 april de veurronde in woonzorgcentrum Selkersgoorn, Maandehof 11 in Daolen.
Het is de bedoeling dat de kinder um half 3 daor anwezig bint, ze begunt dan um 14.45 uur, en hopelijk komt der veul olders, oma’s en opa’s en aandere belangstellenden kieken en veural luustern! Um ongeveer 16.15 uur weet we dan welke kinder deur mugt naor de finale, en die is zaoterdag 20 april in ’t Atlastheater in Emmen, um 19.00 uur.
Dan staoj daor in zo’n groot theater… da’s spannend natuurlijk maor ok mooi!
En nee, de keuning en de keunegin bint ‘r niet bij, die komt der ’n paar dagen later!
Ach, en aj niét in de finale komt: in Selkersgoorn is ’t ok al prachtig um op te treden.
As der nog vraogen bint kuj mij altied bellen: 551888.
Wel wet ziew mekaar in de Selkersgoorn of in Emmen!